لو انت من محبي كوريا ...
لو انت من محبي الدراما الكورية...
لو انت من محبي الاغاني والموسيقي الكورية....
طيب لو انت من محبي السفر لبلاد كتير في العالم ...
لو انت من الناس اللي عايزة تسافر برة تدرس في جامعات كبيرة...
كتير من رواد المركز عايزين يعرفوا عن كوريا مش بس للدعاية
عايزين يعرفوا نعمل ايه عشان نقدر نسافر سواء للسياحة او للدراسة
عايزين كمان يعرفوا عن الموضة الكورية ، وعن الرياضة هناك
واكيد مش هننسي الاكل والدراما
وعشان كدة عملنا الايفنت ده
اسمع من واحد كوري
يعني اللي هيتكلم شخص كوري
واللي هيسمع لازم يكون علي الاقل بيفهم كوري
الايفنت ده متقسم علي 5 مرات علي مدار 5 اسابيع
هيكون في حد محاضر كوري في كل مرة ، وهو اللي هيكلمنا عن موضوع المحاضرة ، واللي لازم من الشخص اللي هيحضر ، يجي محضر
الاسبوع الاول يوم الثلاثاء 10 يناير من الساعة 2 مساء
وهيكلمنا فيه جونج تشونج تشانج عن الاكل الكوري
الاسبوع التاني يوم الثلاثاء 17 يناير من الساعة 2 مساء
وهيكلمنها فيه باك جون يونج عن الدراما الكورية
الاسبوع التالت يوم الثلاثاء 24 يناير من الساعة 2 مساء
وهيكلمنا فيه جونج ها يون عن الرياضة في كوريا
الاسبوع الرابع يوم الثلاثاء 31 يناير من الساعة 2 مساء
وهتكلمنا فيه منو جونج إن عن الموضة في كوريا
الاسبوع الخامس يوم الثلاثاء 7فبراير من الساعة 2 مساء
وهيكلمنا فيه كيم كيو مين عن الدراسة في كوريا
لو عايز تحضر اي من اللقاءات ، لازم تتبع الخطوات التالية
1. اختار واحد فقط من الموضوعات السابقة
2. اختار يوم واحد فقط للحضور فيه
3. احضر كويس للموضوع قبل اللقاء
4. املى الاستمارة
الحضور باللغة الانجليزية او الكورية فقط سيتم الغاء الاستمارة المكررة ، او المكتوبة بلغة اخري
ملحوظة هامة
1. عدد الحضور لكل محاضرة 10 اشخاص علي الاكثر
2. لابد من القدرة علي التفاهم باللغة الكورية المستوي الثالث للغة الكورية
- لغة المحاضرة : اللغة الكورية
مع خالص تحياتى
اخوكم
سامى مسعد
مصر / الجيزة / القبابات